ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᕕᖓ Nunavut Economic Forum (NEF), ᐋᖅᑭᒃᑕᐅᓚᐅᖅᓯᒪᔪᖅ 2004−ᖑᑎᓪᓗᒍ ᐃᓚᒋᔭᐅᓪᓗᓂ ᑖᔅᓱᒪᑉ ᖃᓄᖅᑑᕈᑎᓕᐊᕆᔭᐅᒋᐊᙵᓚᐅᖅᓯᒪᔪᒧᑦ, ᐃᓚᒋᔭᐅᔪᑦ ᑲᑐᔾᔨᖃᑎᒌᓂ ᑭᒡᒐᖅᑐᐃᔪᑦ ᐋᖅᑭᒃᑕᒥᓂᐅᓪᓗᑎᑦ ᓇᖢᓇᐃᖅᓯᖃᑦᑕᖁᓪᓗᒋᑦ ᑲᑐᔾᔨᓗᑎᓪᓗ ᑐᑭᓯᒋᐊᕈᑎᓂᑦ ᐱᕙᓪᓕᐊᒍᑎᒋᔭᐅᔪᑦ ᐱᓪᓗᒋᑦ ᓄᓇᕗᒥ. ᑲᒪᒋᔭᐅᓗᐊᙳᐊᖅᑐᖅ ᑲᑐᔾᔨᖃᑎᒌᓄᑦ ᐃᓚᒋᔭᐅᔪᑦ ᑲᑎᖁᓪᓗᒋᑦ ᐃᖅᑲᓇᐃᔭᖃᑎᒌᓐᓂᐊᕐᒪᑕ ᐊᑐᓕᖅᑎᑕᐅᓂᖓᓂᒃ ᖃᓄᖅᑑᕈᑎᑉ, ᐊᑐᓂᑦ ᐱᓕᕆᕝᕕᐅᔪᓂᑦ ᖃᐅᔨᒪᔭᖏᓪᓗ ᒪᓕᑦᑐᒋᑦ.

ᓄᑖᕈᕆᐊᖅᑕᐅᓂᖓ ᖃᓄᖅᑑᕈᑎᑉ ᑭᖑᓪᓕᖅ ᐱᕙᓪᓕᐊᔪᓕᕆᓂᕐᒧᑦ ᐸᕐᓇᐅᑎᓕᐊᕆᔭᐅᓂᐊᕆᕗᖅ ᓄᓇᕗᒧᑦ ᓅᑉᐸᓪᓕᐊᓕᖅᑎᓪᓗᑕ 2014-2012−ᒧᑦ. ᑖᓐᓇ ᓄᑖᕈᕆᐊᖅᑕᐅᓯᒪᓂᖓ ᐊᒥᓱᓄᑦ ᐊᔪᕐᓇᙱᔾᔪᑎᒋᔭᐅᕗᖅ ᐃᑲᔪᖅᑐᖅᑕᐅᒻᒪᑦ ᓄᓇᕗᑦ ᑐᙵᕕᒃ ᑎᒥᖓᓄᑦ Nunavut Tunngavik Inc. (NTI), ᑲᓇᑕᑉ ᐅᑭᐅᖅᑕᖅᑐᖓ ᐱᕙᓪᓕᐊᑎᑕᐅᓂᖓᓄᑦ ᑎᒥᖓᓄᑦ Canadian Northern Economic Development Agency (CanNor) ᐊᒻᒪᓗ ᓄᓇᕗᑦ ᒐᕙᒪᖏᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ Government of Nunavut's Economic Development and Transportation Department (ED&T). ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᕕᖓᑕ ᐃᓚᒋᔭᐅᔪᖁᑎᖏᑦ ᐃᓱᒪᓕᐅᓚᐅᕆᕗᑦ ᖃᓄᐃᓕᐅᕈᑕᐅᓂᐊᕐᒪᑦ ᑕᒪᓐᓇ ᓄᑖᖅ ᖃᓄᖅᑑᕈᑎ ᓴᒃᑯᑕᐅᓇᓱᐊᕐᓂᖓᓂ ᐅᐱᕐᖔᖅ 2014-ᖑᓕᖅᐸᑦ.

ᑖᓐᓇ ᐃᑭᐊᖅᑭᕕᒃ ᐋᖅᑭᒃᑕᐅᓗᐊᙳᐊᖅᓯᒪᕗᖅ ᑐᓴᐅᒪᖃᑎᒌᓐᓂᐊᕐᒪᑕ ᖃᓄᐃᓕᐅᓕᕐᓂᖏᓐᓂᑦ ᐊᒻᒪᓗ ᑐᑭᓯᒋᐊᕈᑎᓂᑦ ᑲᑐᔾᔨᕕᐅᓗᓂ ᐱᕙᓪᓕᐊᒍᑕᐅᑎᓪᓗᒍ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎ ᐸᕐᓇᐅᑦ ᑭᖑᓪᓕᖅ ᓄᑖᕈᕆᐊᖅᑎᑦᑎᔪᖅ ᓯᕗᓪᓕᕐᒥ ᖃᓄᖅᑑᕈᑎᐅᓚᐅᖅᑐᒥᑦ.

ᑕᑯᓂᐊᕈᓐᓇᕋᔭᕐᒥᔭᐃᑦ ᐃᑭᐊᖅᑭᕕᖓ ᓄᓇᕘᒥ ᐱᕙᓪᓕᐊᔪᓕᕿᓂᕐᒧᑦ ᑲᑎᒪᕕᒃ Nunavut Economic Forum (NEF) ᑕᑯᓂᐊᕐᓗᒋᑦ ᐅᖃᓕᒫᒐᖃᕐᕕᖓ resource library ᐊᒻᒪᓗ ᐱᒻᒪᕆᐅᔪᓂᑦ ᐊᑐᕋᒃᓴᑦᑎᐊᕙᓂᑦ ᑐᑭᓯᒋᐊᕈᑎᓂᑦ ᖃᐅᔨᒋᐊᕐᓂᐊᕋᕕᑦ ᓲᕐᓗ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎ, ᐅᓂᒃᑳᑦ ᐊᔾᔨᒌᙱᑦᑐᑦ ᐊᒻᒪᓗ ᖃᐅᔨᓵᒥᓃᑦ ᑕᑯᔭᐅᖃᑦᑕᖅᑐᒻᒪᕆᐅᔪᓪᓗ ᓄᓇᓅᒥ ᐱᕙᓪᓕᐊᔪᓕᕆᓂᖓ ᖃᓄᐃᓕᖓᓂᐊᕋᓱᒋᔭᐅᓂᖓ ᐅᓂᒃᑳᑦ.