Una Nunavunmi Maniliurahuarnikkut Katimaniq (NEF) piliuqtauhimayuq 2004 mi ilaupluni uvunga NEDS1 mut, angiyuq ilauplutik timiuyunut ilauyunut piliuqtauhimayut naunaiyariangani kangiqhipkaiyaanganilu tuhaqtakhanik pivalliayuliqinikkut Nunavunmi. Pilluarahuaqtaa timiuyup katimapkarlugit katimayit havaqatigiigiangani atulirniagut uuma Nunavunmi Pivalliayuliqiyitkut Qanuriliurutiginahuaqtainnik, atuni iluani nunamini qanuriliuqtamingni ayunngitamikkullu.
Nutaannguqtirnia Nunavunmi Pivalliayuliqiyitkut Qanuriliurutiginahuaqtainnik, (NEDS2) iniqhiniaqtuq aallamik angiyumik pivalliayuliqinirmik Nunavunmut hivumuurluta 2012 mit 2014 mut. Hamna nutaannguqtiriniq ilanganik akiliqtauhimayuq taaffumannga Nunavut Tunngavik Inc. (NTI), una Kanatami Ukiuqtaqtumi Pivalliayuliqinikkut Timigiyaanit (CanNor) unalu Kavamangani Nunavutip Pivalliayuliqiyitkut Ingilrayuliqiyitkullu (ED&T). Taamna NEF kunni ilauyut piumayaat una havaarilluarumaplugu tikitinnagu nutaaq qanuriliurutikhaq nuipkaqtaukpat upin'ngakhami 2014 mi.
Una qaritauyakkut pulaarvik pinahuaqtauyuq nutaannguqtirnianut tuhaqtauyukhanik kangiqhiyakhaniklu qanuriliurutaatigut NEDS2 mik nutaannguqtirinianik. Pulaarumayungnaqhiyat una Nunavunmi Maniliurahuarnikkut Katimaniq (NEF) qaritauyakkut pulaarviat piyaangani ikayuutikhakkut makpiraaqarvia piyaangani takuyakharnik ilayuniklu titiqqanik ukunatut hivulliit Nunavunmi Pivalliayuliqiyitkut Qanuriliurutiginahuaqtainnik, aallatqiillu titqqat unniujjutit ilittuqhaqtauhimayullu ukuallu taiguaqtauliqpaktut Nunavunmi Pivalliayuliqinikkut Qanuriliutugikhaitigut Unniujjutit.