Amigaivyaktut pinahuaqtait ilauyut nutaannguqtirahuaqgugu una Nunavunmi Pivalliayuliqiyitkut Qanuriliurutuiginahuaqtaitigut 2014 mit 2024 mut. Pilluarahuaqtaptingni katimaqatigiingnikkut ukua Katimaniryuat ilaupkainahuaqhutik aallatqiinik timiuyunik katimaqatiqarlutik aallatqiit Nunavunmi havakviuyut ukunanit Aviktuqhimayuni Inuit timigiyainnit, NGO lu maniliurahuarnikkut ikayurahuat taapkuallu maningnik ikayuutikhanik tunihivaktut: NTI, CanNor unalu ED&T. Atuni katimaniryuami uqautigiyauhimayuq uqautigilluaqaqtuq aallatqiinik uqautigiyauyukhanik. Haumingmi uuma titiqqat takuniaqtutit atayunik atuni Katimaniryuanik unalu, piyauvaktillugillu, aajjikkutaliuqhimayunik unniujjutinik aallaniklu titiqqanik ilauyunik uqautigiyauyunut hailiyut ayurnaittumik taiguariangani.

Aippaa qanuriliurutikhap ihivriuqhiniq tajja piyauliqtuq ihuaqaqhimapluni naunaiyaqhimayunik ahitquhimayunik ayurnaqtunikluunniit uvunga atulirnianut NEDS1 piliurahuarlutiklu maniliurahuarnikkut piyakhanik titiqqanik nakuuyunik ihivriurnirmik unniujjutinik ilittuqhainirniklu tamaani ukiuqtaqtunit nunaryuami. Kangiqhijjutiti uumannga havaaariyauyumit hailiniaqtuq talvani NEDS2 kut qaritauyakkut pulaarviani.

Pingahuat qanuriliurutikhap naunaiqhimayut qauyihainiq piyaulaaqtuq Iipu 2013mi. Akhuuquyavut tamaita Nunavunmiut ilautquplugit ilittuqhainirmi haililiqqat.

Hitamaat qanuriliurutikhap una qaitquplugit Nunavunmiut, timiuyullu havakviuyullu Nunavunmi uuktuquplugit ihumaliuqhimayatiklu qanuq nakuuyumik angiglivalliayaangani Nunavutip maniliurahuarnianik tajjamit talvungalu 2014 mut. Una maliglugu atajjut uvunga tuhaktittaangani ihumaliuqhimayatit uqarumayatillu.

Kinguagut, una Nunavunmi Sivummut IV Katimavikhaat parnaiyaqtaat 2014 mi unalu 201424 mi Nunavunmi Pivalliayuliqiyitkut Qanuriliurutiginahuaqtainnik uqautigilluarahuarlugu. 20 ukiut qaangiqtut hivulliq Sivummut katimaniat pilraaqhugu Kangiqlinirmi – kangiqhiyakhat mikhaagut uvuuna Sivummut IV iliuraqtauniaqtut qangiglikpat katimavikhaq. Unniujjutit kingullirnit Sivummut katimanianit taigualaaqatauyut uvani NEF kut Naunaiyarviata Makpiraaqarviani.