ᓯᕗᒧᑦ IV ᑲᑎᒪᕕᔾᔪᐊᓛᖅᑐᑦ ᑎᓰᕝᕙ 1 – 4, 2014-ᒥ ᐃᖃᓗᓐᓂ. ᑐᙵᕕᖓ ᑕᒪᔅᓱᒪᑉ ᑲᑎᒪᕕᔾᔪᐊᕐᓂᖅ ᑕᐃᔭᐅᒐᔭᖅᑐᖅ ᐸᕐᓇᖃᑎᒌᑦ − ᐸᕐᓇᖃᑎᒌᑦᑐᑦ.

ᑎᒍᒥᐊᖅᑎᐅᖃᑕᐅᔪᑦ ᖃᐃᖁᔭᐅᕗᑦ ᑲᑐᔾᔨᔭᖅᑐᕐᓗᑎᑦ ᐊᑐᖅᑕᒥᓂᕐᒥᓂᑦ ᐊᒻᒪᓗ ᐃᖅᑲᓇᐃᔭᖃᑎᖃᖁᔭᐅᓪᓗᑎᑦ ᐸᕐᓇᐅᑎᓕᐅᖃᑕᐅᓗᑎᑦ ᓄᓇᕗᒥ ᑭᖑᓪᓕᕐᓄᑦ ᖁᓕᓄᑦ ᐊᕐᕌᒎᔪᓄᑦ ᑮᓇᐅᔭᓕᐅᕈᓐᓇᕐᓂᖅ ᐱᕈᖅᐸᓪᓕᐊᑎᑕᐅᓇᓱᓪᓗᓂ ᐱᕙᓪᓕᐊᑎᑕᐅᓇᓱᓪᓗᓂᓗ.
ᐊᕐᕌᒎᑦ ᖁᓕᐅᓕᖅᑐᓂᑦ ᓄᓇᕗᑉ ᑮᓇᐅᔭᓕᐅᕈᓐᓇᕐᓂᖓ ᐱᕈᖅᓯᒪᕗᖅ ᓱᑲᑦᑐᒻᒪᕆᐊᓗᒻᒥᒃ. ᐃᓄᐃᑦ ᐊᒥᓱᓂᑦ ᓄᓇᓕᓐᓂ ᓴᓇᔪᓕᕆᓂᕐᒥᓗ ᒫᓐᓇ ᖃᐅᔨᓯᒪᓕᕐᒪᑕ ᖃᓄᖅ ᑮᓇᐅᔭᓕᐅᕈᑎᖃᕐᓂᕐᒧᑦ ᐱᕈᖅᐸᓪᓕᐊᓂᖅ ᖃᓄᖅ ᑐᑭᖃᓪᓚᑦᑖᕐᒪᖔᖅ ᓄᓇᕗᒧᑦ, ᐊᒻᒪᓗ ᖃᓄᖅ ᐊᑦᑐᐃᓂᖃᓲᖑᒻᒪᖔᖅ ᐃᓄᐃᑦ ᐃᓅᓯᖏᓐᓂᑦ. ᐊᒃᓱᕈᕈᑎᒋᓕᕐᒥᔭᕗᓪᓕ ᒫᓐᓇ ᖃᐅᔨᓇᓱᓪᓗᑕ ᒪᑭᒪᑎᓐᓇᓱᓪᓗᒍ ᐱᕙᓪᓕᐊᔪᓕᕆᓂᕗᑦ ᐱᕈᖅᐸᓪᓕᐊᖏᓐᓇᕐᓗᓂ ᑕᐃᑲᓂᒃᓴᐃᓐᓇᕐᓗ ᓄᓇᓕᕗᑦ ᖃᓄᐃᑦᑕᐃᓕᖁᓪᓗᒍ ᖁᓕᐅᓂᐊᖅᑐᓄᑦ ᐊᕐᕌᒍᓄᑦ. ᓯᕗᒧᑦ IV ᑲᑎᑎᑦᑎᓂᐊᖅᑐᖅ ᐱᓕᕆᐊᖃᖃᑦᑕᕐᓂᑯᒥᓂᕐᓂᑦ ᐃᓄᓐᓂᑦ ᑲᑐᔾᔨᒐᔭᖅᑐᑦ ᐅᓂᒃᑳᕐᓗᑎᑦ ᑲᔪᓯᑦᑎᐊᖅᑐᒥᓂᐅᓚᐅᕐᓂᕐᒥᓂᑦ ᐊᒻᒪᓗ ᐊᒃᓱᕈᕈᑎᒥᓂᑦ, ᐃᖅᑲᓇᐃᔭᖃᑎᒌᓪᓗᑎᑦ ᐊᓯᒥᓂᑦ ᓄᓇᕗᒦᙶᖓᔪᓂᑦ, ᐊᒻᒪᓗ ᐃᖅᑲᓇᐃᔭᖃᑎᒌᓪᓗᑎᑦ, ᐸᕐᓇᐅᑎᓕᐅᕋᔭᖅᑐᑦ ᖃᓄᖅ ᒪᑭᒪᑎᒐᒃᓴᐅᒐᔭᕐᒪᖔᖅ ᐱᕙᓪᓕᐊᔪᓕᕆᓂᑉ ᐱᕈᖅᐸᓪᓕᐊᓂᖓ ᐃᖅᑲᓇᐃᔭᖅᓯᓈᕐᓗᑎᑦ ᓄᓇᓕᖏᑦ ᖃᓄᐃᑦᑕᐃᓕᖁᓪᓗᒋᑦ ᓯᕗᓂᑦᑎᓐᓂᑦ.

ᑐᙵᕕᒋᔭᐅᓂᐊᖅᑐᖅ ᑲᑎᒪᕕᔾᔪᐊᕐᓂᑉ ᐊᑎᖓ ᑕᐃᔭᐅᔪᖅ ᐸᕐᓇᖃᑎᒌᑦ − ᐸᕐᓇᖃᑎᒌᑦᑐᑦ ᐱᓕᕆᐊᖃᓗᐊᖅᑎᑦᑎᒐᔭᖅᑐᑕ ᐅᑯᓂᖓ:
• ᑲᑐᔾᔨᓗᑎᑦ ᐃᓄᐃᑦ ᐊᑐᖃᑦᑕᕐᓂᑯᒥᓂᖏᓐᓂᑦ ᐊᒻᒪᓗ ᐃᓱᒪᒋᓯᒪᔭᖏᓐᓂᓪᓗ ᐊᓯᒥᓄᑦ
• ᐃᖅᑲᓇᐃᔭᖃᑎᖃᕐᓗᑎᑦ ᓄᓇᕗᒥᐅᓂᑦ ᐱᓕᕆᐊᖃᖃᑦᑕᕐᓂᑯᑦ ᐱᕙᓪᓕᐊᔪᓕᕆᓂᖅ ᐱᕈᖅᐸᓪᓕᐊᑎᓪᓗᒍ ᐊᒻᒪᓗ ᓄᓇᓕᒃ ᐊᓯᔾᔨᖅᐸᓪᓕᐊᑎᓪᓗᒍ ᐊᕐᕌᒍᑦ ᖁᓕᐅᓚᐅᖅᑐᓂᑦ
• ᐸᕐᓇᒍᑎᒋᔭᐅᓗᓂ ᐊᕐᕌᒎᓂᐊᖅᑐᑦ ᖁᓖᑦ ᖃᓄᖅ ᒪᑭᒪᑎᓐᓇᓱᒍᓐᓇᕐᒪᖔᑦᑎᒍᑦ ᐱᕙᓪᓕᐊᔪᓕᕆᓂᕐᒧᑦ ᐱᕈᖅᐸᓪᓕᐊᓂᖅ ᖃᐅᔨᒪᓯᓐᓈᕋᓱᐊᕐᓗᑎᑦ ᓄᓇᓖᑦ ᖃᓄᔾᔮᙱᒃᑲᓗᐊᕐᒪᖔᑕ.

ᖃᖓ

ᑎᓰᕝᕙ 1-4, ᐃᖃᓗᓐᓂ

ᑲᑎᒪᕕᔾᔪᐊᕐᓂᕐᒧᑦ ᐊᑎᓕᐅᕐᓗᓂ ᑐᑭᓯᒋᐊᕈᑎᖏᑦ

ᐊᑭᖃᙱᑦᑐᖅ ᑲᑎᒪᕕᔾᔪᐊᕆᐊᖅᑐᖃᑕᐅᓗᓂ ᐊᒻᒪᓗ ᑲᑎᒪᕕᔾᔪᐊᖃᑕᐅᒍᒪᔪᑦ ᖃᕋᓴᐅᔭᒃᑯᑦ ᐊᑎᓕᐅᕈᓐᓇᖅᑐᑦ ᐱᒋᐊᕐᓗᒍ ᓄᕖᕝᕙ 1, 2014 ᐅᕙᓂ ᐃᑭᐊᖅᑭᕕᒻᒧᑦ ᐊᑎᓕᐅᕐᓗᑎᑦ www.neds2.ca

 ᓱᒻᒪᑦ ᐱᖃᑕᐅᒐᔭᖅᐳᖓ?

ᐸᕐᓇᒍᑎᒋᔭᐅᓂᖓᑕ ᐊᐅᓚᓂᖓ ᐃᓚᐅᔪᖃᕆᐊᖃᖅᑎᑎᒻᒪᑦ ᐃᓄᓐᓂᑦ ᐱᓕᕆᐊᖃᖃᑦᑕᓚᑦᑖᕐᓂᑯᓂᑦ ᐃᖅᑲᓇᐃᔭᖃᑎᖃᕋᔭᖅᑐᓂᑦ ᖃᓄᖅᑑᕈᑎᓕᐅᖃᑎᖃᕐᓗᑎᑦ ᐸᕐᓇᐅᑎᓕᐊᕆᔭᐅᓗᓂ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎᖓ (ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎᖓ2). ᑖᓐᓇ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎᖓ2 ᓄᓇᕗᒥ ᐊᖅᑯᑎᒋᔭᐅᒐᔭᖅᑐᖅ ᑐᑭᒧᐊᕈᑎᐅᓗᓂ 2014-2024-ᒧᑦ ᐃᑲᔪᖅᑕᐅᖁᓪᓗᑕ ᒪᑭᒪᑎᓐᓇᓱᓐᓂᐊᕋᑦᑎᒍ ᐱᕙᓪᓕᐊᔪᓕᕆᓂᑉ ᐱᕈᖅᐸᓪᓕᐊᓂᖓ, ᓄᓇᓕᐅᔪᑦ ᖃᓄᐃᑦᑕᐃᓕᑎᓐᓈᕋᓱᓪᓗᒋᑦ.
ᑭᒃᑯᑦ ᐱᓕᕆᐊᖃᕐᒪᑕ ᑖᔅᓱᒥᖓ ᑲᑎᒪᕕᔾᔪᐊᕐᓂᕐᒥᒃ?
ᓄᓇᕘᒥ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᖏᑦ ᓯᕗᓕᖅᑎᐅᕗᑦ ᓄᑖᕈᕆᐊᖅᑎᑦᑎᔨᐅᓪᓗᑎᑦ ᐱᓕᕆᖃᑎᒋᔭᕗᑦ ᐃᖅᑲᓇᐃᔭᖃᑎᒋᓪᓗᒋᑦ
• ᓄᓇᕗᑦ ᑐᙵᕕᒃ ᑎᒥᖓ
• ᑲᓇᑕᑉ ᐅᑭᐅᖅᑕᖅᑐᖓ ᐱᕙᓪᓕᐊᑎᑕᐅᓂᖓᓄᑦ ᑎᒥᖓ
• ᓄᓇᕗᑦ ᒐᕙᒪᖏᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
ᑖᓐᓇ ᑎᓴᒪᒋᔭᐅᓕᕐᒪᑦ ᓯᕗᒧᑦ ᑲᑎᒪᕕᔾᔪᐊᕐᓂᖅ ᓄᓇᕗᒥ ᑲᑎᒪᕕᔾᔪᐊᕈᑎᒋᔭᐅᓯᒪᓕᖅᑐᓂ ᐊᒻᒪᓗ ᐱᙳᖅᓯᒪᔪᖅ ᐱᕙᓪᓕᐊᒍᑎᒋᔭᐅᓇᓱᒃᑐᑎᑦ ᐱᖓᓲᓚᖅᑐᑦ ᓯᕗᒧᑦ ᑲᑎᒪᕕᔾᔪᐊᕐᓂᐅᓚᐅᖅᓯᒪᔪᑦ (ᑲᑎᒪᕕᔾᔪᐊᓚᐅᖅᓯᒪᓪᓗᑎᑦ 1994-ᒥ, 2003-ᒥ, ᐊᒻᒪᓗ 2009-ᒥ) ᐊᒻᒪᓗ ᐱᓕᕆᐊᖏᑦ ᓄᓇᕘᒥ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᖏᑕ ᐊᕐᕌᒎᓕᖅᑐᓂᑦ ᐋᖅᑭᓱᒃᓇᓱᒃᑐᑎᑦ ᓄᑖᕐᒥᒃ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎᒥ − ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎ2ᒥ. ᓯᕗᒧᑦ IV ᑲᑎᒪᕕᔾᔪᐊᕐᓂᖏᑦ ᐱᒻᒪᕆᐅᔪᒥᒃ ᑲᑎᒪᕕᔾᔪᐊᕐᓂᐅᓂᐊᕐᓂᕋᖅᑕᐅᓯᒪᕗᖅ, ᐊᑐᓕᖅᑎᑦᑎᓇᓱᓐᓂᐊᕋᑦᑎᒍ ᐱᓕᕆᐊᕆᔭᐅᖃᑦᑕᕐᓂᑯᐃᑦ ᓄᓇᕗᑉ ᐱᕙᓪᓕᐊᓂᖓᑕ ᐱᕈᖅᐸᓪᓕᐊᑎᓪᓗᒍ ᐊᒻᒪᓗ ᐋᖅᑭᒃᓱᐃᓗᑎᑦ ᑐᑭᒧᐊᕈᑎᓂᑦ ᐱᕙᓪᓕᐊᔪᓕᕆᓂᕐᒧᑦ ᐊᐅᓚᓂᖃᑦᑎᐊᑐᒃᑯᑦ ᖃᓄᖅᑑᕈᑎᓕᐅᕋᔭᕐᒪᑕ 2014-2024-ᒧᑦ.

 ᖃᐅᔨᒋᐊᕐᕕᒋᒃᑲᓐᓂᓛᕐᓗᒍ ᑖᓐᓇ ᓄᑖᕈᕆᐊᖅᑎᒃᑲᔭᕋᑦᑎᒍ ᐋᖅᑭᓱᖅᑕᐅᓯᒪᓂᖏᑦ ᒪᓕᑦᑕᐅᓛᖅᑐᑦ ᓴᖅᑭᖅᑎᖃᑦᑕᕐᓂᐊᖅᑐᑎᒍᑦ ᐋᖅᑭᓱᖅᐸᓪᓕᐊᓕᕈᑦᑎᒍ ᐊᒻᒪᓗ ᖃᕋᓴᐅᔭᒃᑯᑦ ᐊᑎᓕᐅᕈᓐᓇᖅᓯᓛᖅᑐᑎᑦ ᐃᓄᐃᑦ ᓄᕖᕝᕙ 1, 2014-ᖑᓕᖅᐸᑦ.