ᕿᑎᕐᒥᐅᓂ − ᐃᖃᓗᒃᑑᑦᓯᐊᖅ

ᐱᓯᒪᔭᐅᔭᕇᖅᑐᓂᑦ ᓇᓗᓇᐃᔭᐃᓂᖅ ᐊᒻᒪᓗ ᐅᐸᓗᖓᐃᔭᕐᓂᖅ ᐊᑐᖅᑕᐅᓂᐊᖅᑐᒧᑦ

ᐱᓕᕆᐊᖃᓗᐊᓚᐅᖅᑐᑦ ᓯᕗᓪᓕᖅᐹᕐᒥᒃ ᑲᑎᒪᕕᔾᔪᐊᖅᑎᓪᓗᒋᑦ ᕿᒥᕐᕈᓪᓗᑎᑦ ᓴᖅᑭᖅᑐᒥᓂᐅᔪᑦ ᐊᑐᓕᖅᑎᑕᐅᓂᖓᑕ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎ ᓯᕗᓪᓕᖅ. ᐊᑐᓂᑦ ᑲᑎᒪᖃᑕᐅᔪᑦ ᐅᓂᒃᑳᓚᐅᖅᑐᑦ ᐅᖃᐅᓯᖃᖅᑐᑎᑦ ᑕᐅᑦᑐᒋᔭᒥᓂᑦ ᐃᖅᑲᓇᐃᔭᕐᕕᖏᑕ ᐱᕙᓪᓕᐊᒍᑎᒋᔭᐅᓂᖓᓄᑦ ᐃᓗᓕᖏᑦ ᖃᓄᖅᑑᕈᑎᑉ, ᐱᓕᕆᐊᑦ ᓯᕗᒧᐊᒃᑎᐊᖅᓯᒪᔪᑦ ᐊᒻᒪᓗ ᐊᒃᓱᕈᕈᑕᐅᕙᒃᑐᓂᑦ ᓱᓕ ᐅᓂᒃᑳᖅᑐᑎᑦ. ᐅᖃᐅᓯᖃᓗᐊᓚᐅᕐᒪᑕ “ᐃᓕᑉᐹᓪᓕᕈᑎᒋᔭᒥᓂᐅᔪᑦ” ᐊᒻᒪᓗ ᐱᓗᐊᖅᑐᒥᒃ ᓯᕗᒧᐊᑦᑎᐊᕈᓐᓇᖅᑐᒥᓂᐅᑎᓪᓗᒋᑦ ᐅᖃᐅᓯᖃᖅᑐᑎᑦ, ᐊᒻᒪᓗ ᓇᖢᓇᐃᖅᓯᓪᓗᑎᑦ ᓇᓕᐊᑦ ᐃᓗᓕᖏᑦ ᐅᓪᓗᒥᐅᔪᑦ ᐱᓕᕆᐊᕆᔭᐅᔪᑦ ᑲᔪᓯᑎᑕᐅᔪᒃᓴᐅᒻᒪᖔᑕ ᐅᕝᕙᓘᓐᓃᑦ ᐋᖅᑭᒋᐊᖅᑕᐅᔪᒃᓴᐅᒻᒪᖔᑕ.

ᓯᕗᓪᓕᖅᐹᕐᒥᒃ ᑲᑎᒪᕕᔾᒧᐊᕐᓂᖃᖅᑎᓪᓗᒋᑦ ᐊᒥᓱᑦ ᑲᑎᒪᖃᑕᐅᔪᑦ ᑎᑎᕋᖅᓯᒪᔭᒥᓂᒃ ᑲᑐᔾᔨᖃᑎᒌᖏᑕ ᐱᔾᔪᑎᓕᓐᓂᒃ ᑐᓂᓯᖃᑦᑕᓚᐅᕐᒥᔪᑦ.