ᐊᒥᓱᓂᒃ ᖃᓄᐃᓕᐅᕈᑎᖃᓚᐅᖅᑐᑦ ᓄᑖᕈᕆᐊᖅᑕᐅᓇᓱᒃᑐᓂ ᓄᓇᕘᒥ ᐱᕙᓪᓕᐊᓂᕐᒧᑦ ᖃᓄᖅᑑᕈᑎ 2014 – 2024. ᑐᙵᕕᒋᓗᐊᓚᐅᖅᑕᕗᑦ ᑕᒪᐃᓐᓂᑦ ᖃᐅᔨᒋᐊᕐᕕᖃᖅᑎᓪᓗᑕ ᑲᑎᒪᕕᔾᔪᐊᖅᑎᑦᑎᓂᕆᓚᐅᖅᑕᕗᑦ ᐊᕕᑦᑐᖅᓯᒪᐅᖅᑐᑦ ᑲᑎᑎᑦᑎᓪᓗᑕ ᑲᑐᔾᔨᖃᑎᒌᖑᔪᓂᒃ ᑭᒡᒐᖅᑐᐃᔪᑦ ᐊᔾᔨᒌᙱᑦᑐᓂᑦ ᓄᓇᕗᒥ ᐃᖅᑲᓇᐃᔭᕐᕕᓂ ᑭᒡᒐᖅᑐᐃᓪᓗᑎᑦ ᐊᒻᒪᓗᑦᑕᐅᖅ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᕘᒥ ᒐᕙᒪᐅᙱᑦᑐᑦ ᑲᑐᔾᔨᖃᑎᒌᖏᑦ ᐱᕙᓪᓕᐊᒍᑎᒃᓴᓕᕆᓂᕐᒧᑦ ᐱᔨᑦᑎᕋᓲᑦ ᑮᓇᐅᔭᖃᖅᑎᑦᑎᓲᓪᓗ ᑲᑎᒪᑦᑐᑎᒍᑦ ᐊᒻᒪᓗᑦᑕᐅᖅ ᐱᖓᓱᑦ ᑭᓇᐅᔭᖃᖅᑎᑦᑎᕙᒃᑐᑦ ᑎᒥᐅᔪᑦ: ᓄᓇᕗᑦ ᑐᙵᕕᒃ ᑎᒥᖓ, ᑲᓇᑕᑉ ᐅᑭᐅᖅᑕᖅᑐᖓ ᐱᕙᓪᓕᐊᑎᑕᐅᒐᓱᐊᕐᓂᖓᓄᑦ ᑎᒥᖓ ᐊᒻᒪᓗ ᐃᖏᕐᕋᔪᓕᕆᔨᒃᑯᑦ ᐱᕙᓪᓕᐊᔪᓕᕆᔨᒃᑯᓪᓗ. ᐊᑐᓂᑦ ᑲᑎᒪᑎᑦᑎᑎᓪᓗᑕ ᐅᖃᐅᓯᖃᓗᐊᓚᐅᖅᑐᑦ ᐊᔾᔨᒌᑎᑦᑐᓂᑦ ᑐᙵᕕᖃᖅᑐᑎᑦ. ᓴᐅᒥᐊᓃᑦᑐᑦ ᑕᕝᕙᓂ ᒪᒃᐱᖅᑐᒐᕐᒥ ᑕᑯᓂᐊᖅᐳᑎᑦ ᑲᓱᕈᑎᖏᓐᓂᒃ ᐊᑐᓂᑦ ᑲᑎᒪᓂᐅᓚᐅᖅᑐᓂᑦ ᐊᒻᒪᓗ, ᐱᔭᕇᖅᑕᐅᕙᓪᓕᐊᑎᓪᓗᒋᑦ, ᐊᔾᔨᖏᑦ ᐅᓂᒃᑳᑦ ᐊᓯᖏᓪᓗ ᑎᑎᖅᑲᑦ ᑐᕌᖓᔪᑦ ᐅᖃᐅᓯᐅᓚᐅᖅᑐᓄᑦ ᑕᑯᓂᐊᕋᒃᓴᐅᓛᕆᕗᑦ ᐱᔭᕆᐊᑭᑦᑑᖁᓪᓗᒍ ᐅᖃᓕᒫᖅᑕᐅᓴᕋᐃᒍᓐᓇᕐᓂᖏᑦ.

ᑭᖑᓪᓕᖅ ᖃᓄᐃᓕᐅᕐᓂᕆᓚᐅᖅᑕᕗᑦ ᖃᐅᔨᓴᖅᑕᐅᕙᓪᓕᐊᔪᖅ ᒫᓐᓇ ᐋᖅᑭᓱᖅᑕᐅᓯᒪᓪᓗᓂ ᓇᓗᓇᐃᖅᓯᖁᓪᓗᒋᑦ ᐃᓚᑰᔾᔪᑎᖏᑦ ᐊᒃᓱᕈᕈᑎᖏᓪᓘᓐᓃᑦ ᑐᕌᖓᔪᑦ ᐊᑐᓕᖅᑎᑕᐅᓂᒃᓴᖓᓄᑦ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎ ᓯᕗᓪᓕᖅ ᐊᒻᒪᓗ ᐱᕙᓪᓕᐊᔾᔪᑎᒃᓴᓕᐅᕐᓂᕐᒧᑦ ᑎᑎᕋᖅᑕᐅᓯᒪᔪᓂᑦ ᑐᙵᕕᖃᐅᖅᑐᑎᑦ ᐅᓂᒃᑳᓕᐊᕆᔭᐅᓯᒪᔪᑦ ᐃᓕᓐᓂᐊᖅᑕᐅᓯᒪᔪᓪᓗ ᓄᓇᕐᔪᐊᑉ ᐅᑭᐅᖅᑕᖅᑐᖓᓂ. ᑐᑭᓯᒋᐊᕈᑎᖏᑦ ᑕᒪᔅᓱᒪᑉ ᖃᐅᔨᓵᑉ ᐊᑐᐃᓐᓇᐅᒪᓛᖅᑐᖅ ᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᖃᓄᖅᑑᕈᑎᖓᓂ ᑭᖑᓪᓕᕐᒥ ᐃᑭᐊᖅᑭᕕᖓᓂ.

ᑎᓴᒪᖓᑦ ᖃᓄᐃᓕᐅᕈᑕᐅᓛᖅᑐᖅ ᖃᕋᓴᐅᔭᒃᑯᑦ ᐊᐱᖅᓱᕐᓗᑎᑦ ᑕᑯᓂᐊᕋᒃᓴᐅᓛᖅᑐᓂ ᐄᐳᕈᓪ 2013-ᖑᓕᖅᐸᑦ. ᑲᔪᖏᖅᓴᖅᐸᕗᑦ ᑕᒪᐃᓐᓂᑦ ᓄᓇᕗᒥᐅᑕᐅᔪᑦ ᐃᓚᐅᖃᑕᐅᓗᑎᑦ ᖃᐅᔨᓵᕐᒥᒃ ᐊᑐᐃᓐᓇᐅᒪᓕᖅᐸᑦ.

ᑕᓪᓕᒪᖓᑦ ᖃᓄᐃᓕᐅᕈᑕᐅᓂᐊᖅᑐᖅ ᓄᓇᕗᒥᐅᑦ ᑐᓂᓯᖁᔭᐅᓪᓗᑎᑦ, ᐱᖃᓯᐅᑎᓗᒋᑦ ᑲᑐᔾᔨᖃᑎᒌᑦ ᐊᒻᒪᓗ ᑲᒻᐸᓂᐅᔪᑦ ᓄᓇᕗᒥ, ᖃᕋᓴᐅᔭᒃᑯᑦ ᖃᓄᐃᓕᐅᖁᔨᔾᔪᑎᖏᓐᓂᑦ ᐊᒻᒪᓗ ᐃᓱᒪᒋᔭᖏᓐᓂᒃ ᑎᑎᕋᕐᓗᑎᑦ ᖃᓄᖅ ᑕᒪᓐᓇ ᐱᕈᖅᐹᓪᓕᖅᑎᑕᒃᓴᐅᒻᒪᖔᑦ ᓄᓇᕗᑉ ᐱᕙᓪᓕᐊᒍᑎᖓ ᑮᓇᐅᔭᓕᐅᖃᑦᑕᕋᓱᐊᕐᓂᕐᒧᑦ ᒫᓐᓇᐅᔪᖅ ᐊᒻᒪᓗ 2014−ᖑᓕᖅᐸᑦ. ᑕᑯᓂᐊᕈᒃ ᐅᓇ ᑲᓱᖅᑎᒍᑎᖓ ᐃᑭᐊᖅᑭᕕᒃᑯᑦ ᑎᑎᕋᕈᓐᓇᖁᓪᓗᑎᑦ ᐃᓱᒪᒋᔭᕐᓂᑦ ᐅᖃᐅᓯᒃᓴᓂᓪᓗ.

ᑭᖑᓪᓕᖅᐹᕐᒥ, ᓄᓇᕗᑦ ᓯᕗᒧᑦ ᑎᓴᒪᖓᓐᓂ ᑲᑎᒪᕕᔾᔪᐊᕐᓂᖅ ᐸᕐᓇᑕᐅᓯᒪᕗᖅ 2014-ᖑᓕᖅᐸᑦ ᑐᙵᕕᒋᔭᐅᒐᔭᖅᑐᓂ 2014-24 ᓄᓇᕘᒥ ᐱᕙᓪᓕᐊᓂᕐᒧᑦ ᖃᓄᖅᑑᕈᑎ. ᐊᕙᑎᑦ ᐊᕐᕌᒎᓛᓕᖅᑐᑦ ᓯᕗᓪᓕᖅᐹᕐᒥ ᓯᕗᒧᑦ ᑲᑎᒪᕕᔾᔪᐊᓚᐅᖅᓯᒪᒻᒪᑕᓂᑦ ᑲᖏᖅᖠᓂᕐᒥ − ᑐᑭᓯᒋᐊᕈᑎᒃᑲᓐᓃᑦ ᓯᕗᒧᑦ ᑎᓴᒪᖓᑦ ᓴᖅᑭᑕᐅᓛᕆᕗᖅ ᐅᓪᓗᖅ ᖃᓪᓕᓕᖅᑎᓪᓗᒍ ᑲᑎᒪᓂᒃᓴᑉ. ᐅᓂᒃᑲᖏᑦ ᓯᕗᒧᑦ ᑲᑎᒪᓂᐅᓚᐅᖅᓯᒪᔪᓂᑦ ᑕᑯᓂᐊᖅᑕᐅᔪᓐᓇᖅᐳᑦ ᐅᕙᓂᓄᓇᕘᒥ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᖏᑦ ᐅᖃᓕᒫᒐᖃᕐᕕᖓ.

ᖁᔭᓐᓇᒦᒃ ᑕᑯᓂᐊᕈᓐᓇᕋᑖᕋᕕᐅᒃ ᐃᑭᐊᖅᑭᕕᕗᑦ www.NEDS2.ca